सांगली कर्नाळ पोलीस चौकी ते धनंजय गार्डन (म्हसोबा) रस्त्याची दयनीय अवस्था, खड्डे मुजवा अन्यथा बोंबाबोंब आंदोलनाचा लोकहित मंचचा इशारा

प्रति,

*मा. क्रांतिकुमार मिरजकर,

कार्यकारी अभियंता,

सार्वजनिक बांधकाम विभाग, मिरज.*

विषय: सांगलीतील कर्नाळ पोलीस चौकी ते बायपास धनंजय गार्डन (म्हसोबा) रस्त्यावरील खड्डे त्वरित दुरुस्त करण्याबाबत निवेदन.

महोदय,

सांगलीतील कर्नाळ पोलीस चौकी ते बायपास धनंजय गार्डन (म्हसोबा) आणि रजपूत गार्डनपर्यंतचा संपूर्ण रस्ता अत्यंत खराब अवस्थेत आहे. रस्त्यावर मोठ्या प्रमाणात खड्डे पडले असून, त्यामुळे नागरिकांना व वाहनचालकांना प्रचंड त्रास सहन करावा लागत आहे. सदर रस्त्यावरून दिवस-रात्र मोठ्या प्रमाणात वाहतूक होते. खराब रस्त्यांमुळे अनेक अपघात झाले आहेत, आणि भविष्यातही गंभीर दुर्घटना होण्याची शक्यता नाकारता येत नाही.

हा रस्ता अत्यंत महत्त्वाचा असूनही सार्वजनिक बांधकाम विभागाने याकडे पूर्णपणे दुर्लक्ष केले आहे. प्रशासनाच्या हलगर्जीपणामुळे येथील नागरिकांचे मोठ्या प्रमाणात हाल होत आहेत. रस्त्याची अत्यंत दयनीय अवस्था पाहता, आम्ही लोकहित मंच, सांगली व स्थानिक नागरिकांच्या वतीने सार्वजनिक बांधकाम विभागाला कडक इशारा देत आहोत की, येत्या चार-पाच दिवसांत सदर रस्त्यावरील खड्डे त्वरित बुजवण्यात यावे व आवश्यक डांबरीकरण करून रस्ता सुरळीत करण्यात यावा.

जर वरील मागणी पूर्ण झाली नाही, तर लोकहित मंच, सांगली व स्थानिक नागरिकांच्या वतीने रास्ता रोको आंदोलन तसेच सार्वजनिक बांधकाम विभागाच्या कार्यकारी अभियंता कार्यालयासमोर तीव्र बोंबाबोंब आंदोलन करण्यात येईल. याची जबाबदारी संपूर्णतः सार्वजनिक बांधकाम विभागावर राहील.

तरी, कृपया सदर बाब गांभीर्याने लक्षात घेऊन त्वरित योग्य ती कारवाई करावी.

भवदीय,

मनोज भिसे

अध्यक्ष, लोकहित मंच, सांगली

--------------------------------------------------------

📢 लोकहित मंच, सांगलीचा इशारा! 🚨

🚧 सांगलीतील कर्नाळ पोलीस चौकी ते बायपास धनंजय गार्डन (म्हसोबा) रस्त्यावर खड्ड्यांची दयनीय अवस्था!

🚗 वारंवार अपघात – प्रशासन झोपेत!

⚠️ लोकप्रतिनिधी व सार्वजनिक बांधकाम विभागाचे दुर्लक्ष!

रस्त्यावर खड्डे की खड्ड्यात रस्ता?

वाहतूक धोक्यात! नागरिकांना मोठा त्रास!

❌ येत्या ४-५ दिवसांत खड्डे मुजवले नाहीत, तर…