नांदेड :- मा. श्री. अबिनाश कुमार, पोलीस अधीक्षक, नांदेड यांनी शहरात वाढत असलेली ट्राफिक समस्या अटोक्यात आणनेसाठी शहरात चालणारी अवैध प्रवाशी वाहतूक तसेच विना परवाना / परमिट चालणारे वाहणे, भरधाव वेगाने चालणारी वाहने, फटाका बुलेट व फळांचे गाडयाचे रस्त्यावरील अतिक्रमण यांचेवरती कार्यवाही करण्याची मोहीम राबविणे बाबत शहर वाहतूक शाखा वजिराबाद व इतवारा यांना आदेशीत केले होते.
त्या अनुषंगाने दिनांक 11.12.2025 रोजी प्रभारी अधिकारी श्री राजकुमार हिंगोले, सहा पोलीस निरीक्षक, शहर वाहतूक शाखा, इतवारा यांनी स्टाफ व दंगल नियंत्रण पथकातील पोलीस अंमलदार, महानगर पालीका अधिकारी व कर्मचारी यांचे समवेत जुना मोंढा, हबीब टॉकीज, बर्की चौक, सराफा मार्केट या ठिकाणी वाहणाची कागदपत्रे तपासणी केली. सोबतच ऑटो चालकांना गणवेश परिधान करणेबाबत सुचना दिल्या. वाहतूकीस अडथळा निर्माण होणारे फळांच्या गाड्यांवर कार्यवाही करण्यात आली. तसेच 23 अॅटो जमा करून दंडात्मक कार्यवाही करण्यात आली असून अवैध प्रवाशी वाहतूक व इतर केसेस अशा एकुण 125 केसेस करून दंड आकारण्यात आला.
तसेच प्रभारी अधिकारी श्री साहेबराव गुट्टे, पोलीस निरीक्षक, शहर वाहतूक शाखा, वजिराबाद यांनी सिटीबी स्टाफ व दंगल नियंत्रण पथकातील पोलीस अंमलदार यांचे समवेत रेल्वे स्थानक, महाराणा प्रताप चौक, तरोडेकर मार्केट व कलामंदिर या ठिकाणी वाहणाची कागदपत्रे तपासणी केली. सोबतच ऑटो चालकांना गणवेश परिधान करणेबाबत सुचना दिल्या. वाहतूकीस अडथळा निर्माण होणारे फळांच्या गाड्यांवर कार्यवाही करण्यात आली. तसेच 25 अॅटो जमा करून दंडात्मक कार्यवाही करण्यात आली असून अवैध प्रवाशी वाहतूक व इतर केसेस अशा एकुण 159 केसेस करून दंड आकारण्यात आला. शहर वाहतूक शाखा वजिराबाद व इतवारा यांनी नांदेड शहरात मोहीम राबवुन अवैध प्रवाशी वाहतूक, वाहतुकीस अडथळा करणारे फळांच्या गाड्यांवर, विना परवाना / परमिट चालणारे वाहणे, भरधाव वेगाने चालणारी वाहने यांचेवर एकत्रीत कार्यवाही करून एकुण 284 केसेस करून दंड आकारण्यात आला आहे.
वाढत असलेल्या ट्राफीक मुळे लोकांनी त्यांची चार चाकी/दोन चाकी वाहने कुठेही पार्क न करता पार्कीगचे ठिकाणी पार्क करावे, वाहतुकीस अडथळा निर्माण होईल या प्रकारे कोणतेही फळ गाडे व इतर असे रस्त्यामध्ये लावुन अतिक्रमन करू नये, सिग्नलचे पालन करावे व वाहतुकीस अडथळा होईल अशी कोणतीही कृती करू नये व पोलीस प्रशासनास सहकार्य करावे. अन्यथा मोटार वाहन कायदा व इतर कायद्यान्वये कडक कार्यवाही करण्यात येईल बाबत पोलीस प्रशासनाचे वतिने आवाहन करण्यात येत आहे.
सदरची कारवाई मा. श्री अबिनाश कुमार, पोलीस अधीक्षक नांदेड, मा. श्री सुरज गुरव, अपर पोलीस अधीक्षक नांदेड, यांचे मार्गदर्शनाखाली अधीकारी / अंमलदार शहर वाहतूक शाखा वजिराबाद, इतवारा, दंगल नियंत्रण पथकातील पोलीस अंमलदार यांनी केली आहे.