*कलबुर्गी,सोलापुर,सांगली व कोल्हापुर जिल्ह्यातील प्रवासी संघटनांची मागणी*
पंढरपूर येथील आषाढी एकादशीनिमित्त मध्य रेल्वे कडून गाडी क्रमांक 01107 & 01108 मिरज– कलबुर्गी– मिरज आषाढी स्पेशल दिनांक 1 जुलै ते 10 जुलै 2025 या कालावधीत धावत आहे .या गाडीस नियमित्त किंवा मुदतवाढ करावी अशी मागणी कोल्हापूर, सांगली, सोलापूर व कलबुर्गी जिल्ह्यातील प्रवासी संघटनांनी रेल्वे विभागाकडे केली आहे.
किंवा गाडी क्र. 01209&01210 कोल्हापूर– कुर्डूवाडी– कोल्हापूर आषाढी स्पेशल या गाडीचा कलबुर्गी प्रयंत विस्तार करुन सोडण्यात यावी.या गाडीस सर्व थांबे असल्याने सर्वसामान्य प्रवाशांकरिता अत्यंत सोयीची व सोयीस्कर वेळ, रेल्वे असल्याने 11 जुलैपासून सदर रेल्वेस मुदतवाढ मिळावी.
यात्रा कालावधीत या रेल्वेस भाविक भक्तांनी,प्रवाशांनी प्रतिसाद दिला आहे.तसेच सदर रेल्वेचा रेक नवीन व शिल्लक राहत असल्याने याचा उपयोग करावा. तसेच सकाळी सत्रात कोल्हापूर पासून अशी सोलापूर व कलबुर्गी पर्यंत कोणतीही थेट रेल्वे नसल्याने सदरची रेल्वे सर्वांना सोयीस्कर असल्याचे प्रवाशांचा आग्रह आहे , किमान या रेल्वेस मुदतवाढ मिळावी किंवा नियमित ,दररोज सोडण्याकरिता शिवनाथ बियाणी, बाबा निंबाळकर (कोल्हापुर) किशोर भोरावत, संदीप शिंदे (मिरज - सांगली) हर्षद मोरे, निलकंठ शिंदे , गणेश डोंगरे, संजय पाटील, संजय चौगुले (सोलापुर) शशिकांत पाटील, तुळजाराम भोरे (कलबुर्गी) या कोल्हापूर ,मिरज– सांगली, सोलापूर व कलबुर्गी जिल्ह्यातील सर्व प्रवासी संघटना व मध्य रेल्वे क्षेत्रिय सल्लागार समिती सदस्य यासाठी एकत्रित प्रयत्नशील आहेत.
या निवेदनाच्या प्रती मा. जयकुमार गोरेसो ,पालकमंत्री (सोलापूर जिल्हा),खासदार धैर्यशील मोहिते– पाटील ,खासदार विशाल (दादा) पाटील ,खासदार धनंजय महाडीक,
खासदार प्रणितीताई शिंदे,आमदार बसवराज मत्तीमुड (कलबुर्गी ग्रामीण)
आमदार सुरेशभाऊ खाडे (मिरज)
मध्य रेल्वे महाव्यवस्थापक मुंबई,
विभागीय रेल्वे व्यवस्थापक ,मध्य रेल्वे पुणे,सोलापूर विभाग मा. चेतनसिंह केदार– सावंत (भाजपा जिल्हाध्यक्ष सोलापूर) यांनाही देण्यात आल्या आहेत. तरी रेल्वे प्रशासनाने ही प्रवाशांची मागणी विचारत घेऊन या रेल्वेस मुदतवाढ देण्यात यावी अशी सर्व प्रवासी संघटनांची मागणी केली आहे.