*आषाढी एकादशी निमित्त सोडण्यात आलेली मिरज कलबुर्गी मिरज स्पेशल कायमस्वरुपी सोडण्याची यावी यासाठी मुख्य वाणिज्य प्रबंधक मध्य रेल्वे पुणे विभागाचे श्री.अनिल पाठक यांना निवेदन देण्यात आले*
सकाळच्या सत्रामध्ये कोल्हापूर किंवा मिरज कलबुर्गी एक्सप्रेस सुरू करण्याची मागणी येथील प्रवासी संघटना, सल्लागार समिती सदस्य तसेच प्रवासी व नागरिकांनी केली होती. यासाठी अनेक स्तरातून पाठपुरवठा केला होता.
याच मागणीच्या अनुषंगाने मध्य रेल्वे कडून पंढरपूर आषाढी एकादशी यात्रेनिमित्त सकाळच्या सत्रामध्ये 01 जुलै 2025 ते 10 जुलै 2025 च्या दरम्यान गाडी क्र.01107/08 मिरज कलबुर्गी मिरज स्पेशल ICF 14 डब्याची अशी गाडी सुरु केलेली होती.
मिरज येथुन पहाटे 5 वाजता निघुन कलबुर्गी येथे दुपारी 01:30 वा.पोहचते परतीच्या प्रवासासाठी कलबुर्गी येथुन दुपारी 03:30 वा.निघुन मिरज येथे रात्री 11:50 वा.पोहचत असे
या गाडीस आरग,बेळंकी,सलगरे, कवठेमंहकाळ,लंगारपेठ, ढालगाव, जतरोड,म्हसोबाडोगंर,जावले,वासुद,सांगोला, पंढरपुर ,मोडलिंब, कुर्डुवाडी,माढा,मोहोळ,सोलापुर, अक्कलकोट,दुधनी, गाणगापुर या ठिकाणी थांबे देण्यात आले होते.
हि गाडी सुरु झाल्यामुळे पंढरपुरच्या विठोबा बरोबर सोलापूर चे सिद्धेश्वर, तुळजाभवानी, अक्कलकोट चे स्वामी समर्थ तसेच गाणगापूर चे श्री दत्त यांचे दर्शन घेण्याची सुविधा झाली होती. तरी ही गाडी प्रवांशाच्या सोईची व उपयुक्त अशी असल्यामुळे
ही गाडी फक्त आषाढी स्पेशल साठी न चालवता ती कायमस्वरूपी चालवण्यात यावी व या गाडीस "देवदर्शन एक्सप्रेस" असे नाव देण्यात यावे.
तरी रेल्वे प्रशासनाने प्रवाशांचा भक्तांचा व वारकरी यांचा योग्य तो विचार करुन सदर गाडी कायमस्वरुपी सुरु ठेवावी असे रेल्वे प्रवासी संस्थाचे कार्याध्यक्ष संदीप शिंदे यांनी सांगीतले.
यावेळी मध्य रेल्वे क्षेत्रिय सल्लागार समिती सदस्य किशोर भोरावत,शिवनाथ बियाणी,बाबा निंबाळकर,गोपाल तिवारी सुरेश भोसले,नंदकुमार पाटील व अनिल तराळ आदि उपस्थित होते.